|
Yafashwe kubera ubutekamutwe na Jenoside iziramo Kapiteni Pascal Simbikangwa afungiye muri Gereza y’i Paris mu Bufaransa, aho yajyanywe avuye mu birwa bya Mayote yahafatiwe azira gukora ibyangombwa by’ibihimbano, ibyaha bya Jenoside akurikiranyweho bitaramenyekana kuko yakoreshaga andi mazina. Simbikangwa yahoze mu bantu bari abanyamuryango bakuru ba “Akazu”, akaba yari n’Umuyobozi wa “criminologie” yo ku Muhima, ahakorerwaga iyica rubozo ku batavugaga rumwe n’Ubutegetsi bwa Habyarimana kimwe n’abandi bose batifuzwaga n’ubwo butegetsi. Kapiteni simbikangwa yavukiye i Karago mu cyahoze ari Gisenyi mu 1959 akaba yarageze rwihishwa mu birwa bya Mayote mu mwaka wa 2005, aho yageze aturutse mu birwa bya Comore. Aha hose akaba yari atunzwe n’umwuga wo guhangika abantu ibyangombwa by’ibihimbano (ubutekamutwe), ubwo kandi ku izina ry’ubutekamutwe akaba yarihimbaga Safari Sedinawara.
Kapiteni Simbikangwa ni muntu ki?
Simbikwangwa alias Sedinawara ni umwe mu basirikari bakuru (officiers) bari mu cyitwaga “Akazu” ndetse n’icyitwaga “Réseau Zéro” bakaba bari intagondwa ziyitaga ko zirengera Demokarasi na Repuburika. Simbikangwa kandi ni mwene wabo wo hafi na Habyarimana kuko ari musanzire wa Koloneli Elie Sagatwa, uyu we akaba musaza wa Agathe Kanziga umugore wa Habyarimana. Ku bijyanye n’imirimo yakoraga, Simbikangwa kimwe n’abandi benshi bo mu kazu bagiranga imirimo myinshi ikomatanyije; gusa mu buryo bwemewe n’amategeko Simbikangwa yari Umuyobozi w’ibiro bikuru by’iperereza ry’imbere mu gihugu (SCR) bikaba ari nabyo byanagenzuraga inzego eshatu nkuru ubutegetsi bwari bwubatseho arizo ubutegetsi bw’ibanze (Perefegitura, Komine na Segiteri) urwego rw’ishyaka rya MRND (ishyaka ryari ryihariye ubutegetsi) ndetse n’urwego rwa jandarumori na polisi ya Komine (Gendarmerie et Police Communale). SCR rero rwari urwego rukuru rukusanya amaraporo yose yo mu gihugu rukayasuzuma ndetse rukanayafataho imyanzuro, ibyo byose bikaba aribyo byatumye Mr. “Tortionnaire” nk’uko bari baramuhimbye (bikomoka ku nshinga Torturer bisobanura kwica rubozo) abasha kubona ama lisiti ava hose mu gihugu, bituma ashobora kugira uruhare runini mu gukora urutonde rw’abitwaga abanzi b’igihugu, ari nabo benshi bafunzwe bitwa ibyitso, bakicwamo benshi abasigaye bakarimburwa muri Jenoside. Ku bindi kandi Simbikangwa azwiho ko ari we watangaga umurongo ngenderwaho w’ibinyamakuru Kangura hamwe na Umurava Magazine. Ibyo binyamakuru bikaba bizwiho cyane gukwirakwiza amatwara y’ubutegetsi bw’icyo gihe kuko bizwiho gutahiriza umugozi umwe na RTLM mu kwigisha politiki y’urwango ku bwoko bw’Abatutsi. Nk’uko kandi byatangajwe n’uwitwa Janvier Afrika mu kwicuza kwe kuko nawe yahoze ari umwe mu bakozi ba SCR batangaga amakuru menshi mu gihe cy’ubutegetsi bwa Habyarimana, ngo Simbikangwa yakunze kwakirira mu nzu ye bwite inama z’Akazu nyinshi zateguraga ubwicanyi no gukora amalisiti y’ababaga bagiye kwicwa. |
Kayumba Nyamwasa’s shooting led to the victimization of some individuals who were visiting South Africa including businessman Francis Gakwerere.
An investigation by The Rwanda Focus has come up with incontrovertible proof that Victoire Ingabire, who earlier this year came to Rwanda from the Netherlands with intentions to contest the presidential elections in August, was a member of the CDR (Coalition for the Defense of the Republic) extremists whose sworn duty was to exterminate every last surviving Tutsi in Rwanda, including babies still in their mothers’ wombs.
During the “army week,” which ran from June 16 to July 10, tremendous achievements have been made, especially in the fields of medical treatment and housing development. 
Refusing students who arrive late at school is in nobody’s interest. A more educational approach is required.
